【如果想溝女最好睇呢兩套戲，包佢睇完喊到收唔到聲】
/少量劇透注意/
如果你諗唔到點樣溝走女神，我強烈建議你睇《玩轉極樂園coco》或者《與神同行》。呢兩套戲都係講人死後既世界，帶出生命屬於自己、冇take two既概念，令人反思人生唔好做令自己後悔既事，堪稱2018年兩大喊戲。無論女神對你有幾強硬，睇完呢套戲都一定會喊到成個人軟癱喺你身上，咁你想做咩都得啦hahahaha😈...
《玩轉極樂園》好睇在主角追夢既過程，一開始因為成家人都強烈反對，所以佢只可以偷偷地匿埋彈結他。去到某個位佢要爆喇，佢真係好想彈結他，機緣巧合下去左亡靈既世界。如果大家有睇過就知最後有個位好神奇，全場都出現環迴立體聲既開紙巾聲，小朋友可能覺得套戲好悶，但大人睇完會有好深感受。
點樣可以平衡夢想同家人？無可否認，每個人都有自己想做同中意做既野，為左唔好浪費人生要盡全力追夢。但同時都要好好珍惜家人，唔好令佢地擔心，要努力證明比大家睇自己有能力同決心，仲有就算夢想幾大，闖過後要記得返屋企既路，唔好忘記一直喺身邊支持自己既人。
另一套《與神同行》既主角一生盡力幫其他人，為左耳障媽媽同細佬無間斷咁做野賺錢養家，最後喺一次工作中意外身亡。三個地獄使者就係幫佢經過七個地獄既審判，睇到佢成個人生為其他人做過既好事，搞到自己捱得好辛苦，都會忍唔住默默流淚。去到最後既審判，呀媽內心獨白簡直係極致，做好心理準備會大開水喉😭😭
套戲好睇在主角同媽媽既感情，基本上由開場10分鐘已經會喊到死，不過因為當中係咁加插搞笑位，所以笑下又喊下。同埋要睇到最後先知道主角事實既全部，「在世日子可以做但又冇做到既事，但大部分人都等死左先後悔」就係套戲想帶出既警世哲理，好有爆炸力既敘事手法，邊個都會喊死。送比大家一句：「最心痛是愛得太遲」，叫女神揀你啦，唔係死左就後悔架喇🤣🤣🤣
祝你地，溝女成功！
Search